bloggkramp

Allt í einu datt mér í hug að það gæti nú verið bæði fróðlegt og skemmtilegt fyrir ykkur lesendur góðir að fá hérna eina færslu á íslensku. Þið vitið, það er orðið svolítið strembið fyrir vesalings hausinn á mér að veltast alltaf um með tvö tungumál masandi og þrasandi í kapp við hvort annað. Ég tala og lifi algjörlega á íslensku og hugsa svona frekar óhikað einungis á íslensku... en svo er ég alltaf með hugann við þennan blessaða blogg minn (sem ég varla skil að fólk skuli nenna að lesa vegna þess að mér finnst ég bara vera orðin eitthvað svo leiðinleg eftir að ég byrjaði að vinna) og þá auðvitað fer ég alveg sjálfvirkt að að hugsa í sænskum orðum. Og þetta endar allt í einhverri svakalegri súpu.

Þetta er sem sagt farið að reyna svolítið á getuna og ég einfaldlega finn að það er orðið erfiðara að koma orðunum frá mér.

Sænskan er jú auðvitað bara svona... hobbí.
Íslenskan er alltaf sú sem býr í hjartanu